Анжаліка Борыс сустрэлася з Анджэем Пачобутам у Наваполацкай калоніі
1- 16.04.2024, 11:23
- 7,078
Пра гэта яна расказала на сустрэчы з прэзідэнтам Польшчы.
Кіраўніца забароненага ў Беларусі Саюза палякаў Анжаліка Борыс сустрэлася ў Наваполацкай калоніі з асуджаным на восем гадоў журналістам Анджэем Пачобутам. Спатканне дазволіў Аляксандр Лукашэнка. Пра гэта паведамляе канцылярыя прэзідэнта Польшчы Анджэя Дуды.
Дуда сустрэўся з прадстаўнікамі кіраўніцтва закрытага беларускімі ўладамі Саюза палякаў у Беларусі Анжалікай Борыс і Марэкам Занеўскім.
"Анжаліка Борыс паведаміла аб сустрэчы з Андрэем Пачобутам, які знаходзіцца ў зняволенні ў Наваполацкай калоніі, якая адбылася са згоды Аляксандра Лукашэнкі", — гаворыцца ў паведамленні канцылярыі.
Таксама ў сустрэчы прынялі ўдзел дзяржаўны сакратар канцылярыі прэм'ер-міністра Анджэй Дэра і старшыня ўправы Фонду "Дапамога палякам на Усходзе" Мікалай Фалькоўскі.
Prezydent @AndrzejDuda przyjął wczoraj w Pałacu Prezydenckim Andżelikę Borys oraz Marka Zaniewskiego przedstawicieli Zarządu Związku Polaków na Białorusi.
— Kancelaria Prezydenta (@prezydentpl) April 16, 2024
Andżelika Borys zrelacjonowała swoje spotkanie z Andrzejem Poczobutem osadzonym w kolonii karnej w Nowopołocku, do którego… pic.twitter.com/XikjU1eUmR
