СМІ: У бухце Севастопаля падбіты расейскі выратавальны карабель «Камуна»

Гэта найстарэйшае судна ВМФ Расеі.

У сацсетках распаўсюджваецца відэа з дымам і агнём сярод караблёў, якое, як сцвярджаецца, знятае ў Севастопальскай бухце пасля таго, як у горадзе прагрымеў выбух. Раней акупанты заявілі аб «невялікім узгаранні» ў бухце праз нібыта падзенне абломкаў ракеты.

Аўтар відэа за кадрам паведамляе, што «ракета трапіла ў параход».

Маніторынгавы канал «Крымскі вецер» са спасылкай на свайго падпісчыка піша, што ў Сухарнай бухце Севастопаля, імаверна, ёсць траплянне па выратавальным судне «Камуна».

«Камуна» - рарытэт, найстарэйшае судна ВМФ Расеі і найстарэйшае ў свеце судна, якое фактычна знаходзіцца на ўзбраенні і выконвае баявыя задачы. Уведзенае ў эксплуатацыю ў 1915 годзе», - гаворыцца ў допісе.