Эксперт: УСУ падбілі ў Севастопалі ўнікальную цэль

Не меней рэдкую, чым ракетны крэйсер Масква.

Інфармацыя аб знішчэнні расейскага выратавальнага судна «Камуна», якая паступае з акупаванага Крыма, з вялікай дзеллю імавернасці, дакладная, бо фрагменты канструкцыі карабля з месца выбуху на відэа супадаюць з астатнімі здымкамі.

Аб гэтым піша вайсковы эксперт Аляксандр Каваленка.

«Інфармацыя аб тым, што сёння раніцай у Севастопалі, у Сухарнай бухце, быў нанесены ўдар па выратавальным судне «Камуна», цалкам, заслугоўвае даверу. На відэа, якое публікуецца ў адкрытых крыніцах, можна распазнаць шэраг уласцівых «Камуне» элементаў», - адзначае ён.

Са слоў эксперта, «Камуна» – гэта адзінае свайго кшталту выратавальнае судна падводных лодак у складзе ВМФ РФ.

«Іншага такога проста няма. Але, што самае цікавае, будавалася яно не ў Расейскай Федэрацыі, не ў СССР, а ў перыяд Расейскай Імперыі! Судна было закладзенае ў 1912-м, уведзенае ў строй у 1915-м...З тых часоў такое судна так і не было пабудаванае, а гэта працягвала эксплуатавацца. Калі афіцыйна пацвердзіцца знішчэнне «Камуны», то гэта не менш унікальная цэль, чым ракетны крэйсер «Масква», але пры гэтым яшчэ і рарытэтная! Чакаем пацвярджэння з нецярпеннем! - Адзначае ён.