22 траўня 2024, Серада, 21:19
Падтрымайце
сайт
Сім сім,
Хартыя 97!
Рубрыкі

У Расеі партызаны выводзяць са строю чыгунку: з'явіліся відэа

11
У Расеі партызаны выводзяць са строю чыгунку: з'явіліся відэа

Пашкоджанне гэтых абʼектаў ускладняе лагістыку для акупантаў

Падпольныя актывісты актыўна знішчаюць чыгуначную лагістыку на тэрыторыі Расеі. Гэтым руйнуюцца магчымасці войска ў забеспячэнні акупацыйных падраздзяленняў.

Пра гэта інфармуе тэлеграм-канал «Супраціў». Адзначаецца, што чыгунка адыгрывае ключавую ролю ў лагістыцы расейскага войска, што робіць яе найбольш уразлівым месцам.

«Менавіта таму неабыякавыя ўсё часцей пашкоджваюць вузлы і механізмы чыгуначнага транспарта – асноўныя лагістычныя артэрыі, па якіх ажыццяўляюцца пастаўкі на фронт. Кожны дзень падпольшчыкі пашкоджваюць вузлы і механізмы чыгункі: гараць рэлейныя шафы, гараць размеркавальныя трансфарматарныя цягавыя падстанцыі», – гаворыцца ў паведамленні.

Таксама там апублікавалі відэа, на якім, як сцвярджаецца, паказаны рэлейныя шафы ўпраўлення чыгуначных злучэнняў, шафы цэнтралізацыі і трансфарматарныя падстанцыі ў Арлоўскай, Калужскай, Ліпецкай, Краснадарскай, Смаленскай абласцях.

Адзначаецца, што ў выніку пашкоджання названых абʼектаў на працяглы тэрмін быў спынены рух на ўказаных участках, што пакінула расейскае войска без забеспячэння ў крытычны момант.

Напісаць каментар 11

Таксама сачыце за акаўнтамі Charter97.org у сацыяльных сетках