Паўночная Карэя запусціла балістычную ракету ў Японскае мора
3- 22.04.2024, 10:15
- 2,610
Гэта першы запуск пасля выпрабавання новай зброі Пхеньянам.
У панядзелак, 22 красавіка, Паўночная Карэя запусціла балістычную ракету ў кірунку Японскага (Усходняга) мора, піша New Voice.
Як адзначае агенцтва Yonhap, гэты запуск паўночна-карэйскай балістычнай ракеты стаў першым пасля выпрабавання новай балістычнай ракеты сярэдняй далёкасці, абсталяванай гіпергукавай боегалоўкай.
Нагадаем, 1 снежня 2023 года дыктатар Паўночнай Карэі Кім Чэн Ын заклікаў сваё войска быць гатовым адказаць на ўсялякія «правакацыі з боку ворага». Таксама Кім заяўляў, што яго краіна «без ваганняў» ажыццявіць ядзерную атаку, калі «вораг справакуе» яго ядзернай зброяй.