Расійскі самалёт скінуў авіябомбу над Белгародскай вобласцю
6- 22.04.2024, 10:58
- 6,930
21-ы раз за два апошнія месяцы.
У Белгародскай вобласці самалёт войска РФ згубіў авіябомбу ФАБ-500. З інфармацыі расейцаў, бомба ўпала і не разарвалася.
Пра гэта паведаміў расейскі Telegram-канал Astra.
Паводле інфармацыі Telegram-канала ФАБ-500, якая не разарвалася, знайшлі ў нядзелю, 21 красавіка, у раёне хутара Стаднікаў. Яе абясшкоджванне нібыта запланавана на 22 красавіка.
Як адзначае Astra, гэты выпадак стаў ужо 21 "пазаштатным сыходжаннем" расейскай авіябомбы над Белгарадскай вобласцю за апошнія два месяцы.