Названы магчымы пераемнік Кадырава

Кіраўнік Чачэніі невылечна хворы.

У Крамлі хутчэй за ўсё вызначыліся з пераемнікам кіраўніка Чачэніі Рамзана Кадырава: ім стане камандзір чачэнскага спецназа "Ахмат" Апці Алаўдзінаў. Такія вынікі даследавання, якое падрыхтавала "Новая газета Еўропа"..

16 красавіка прэзідэнт Пуцін падпісаў загад аб прызначэнні Алаўдзінава на пасаду намесніка начальніка Галоўнай управы ў вайсковай палітычнай працы Мінабароны Расеі. Даследчыкі выдання назвалі гэтае прызначэнне трамплінам у «будучай грандыёзнай кар'еры Апці Алаўдзінава».

Газета нагадвае, што 18 снежня 2023 года ў Маскве прайшоў з'езд «Адзінай Расеі», на якім дэлегаты падтрымалі кандыдатуру Уладзіміра Пуціна на пяты прэзідэнцкі тэрмін. На з'ездзе выступаў і Алаўдзінаў. Ён разважаў аб традыцыйных каштоўнасцях і рэлігіі. Гэтая прамова Апці Алаўдзінава стала першым важным сігналам яго імклівага кар'ернага ўзлёту, піша СМІ.

У студзені з'явілася навіна, што Алаўдзінаў - давераная асоба Пуціна на прэзідэнцкіх выбарах. У сакавіку Алаўдзінаў паспяхова закончыў перамовы аб пераходзе трох тысяч байцоў ПВК «Вагнер» ва ўзначаленае ім спецпадраздзяленне «Ахмат», а ўжо ў красавіку быў прызначаны «палітруком» пры Мінабароны.

СМІ сцвярджае, што стан здароўя Рамзана Кадырава, у якога лекары дыягнаставалі некроз падстраўнікавай залозы, не пакідае надзей на поўнае акрыянне. Паведамляецца таксама, што ў 2023 годзе Кадыраў быў уведзены ў медыкаментозную каму праз перадазіроўку транквілізатарамі, якія ён мог прымаць з-за моцных боляў і бессані. Крыніцы выдання сцвярджаюць, што лекарам тады ўдалося стабілізаваць стан Кадырава, але вынікі абследавання яго мозгу «прывялі блізкіх Кадырава ў прыгнечаны стан».