CNN: Вайсковая дапамога ЗША для Украіны ўжо знаходзіцца на складах Нямеччыны і Польшчы

Спачатку УСУ атрымаюць артылерыйскія набоі.

Большая частка амерыканскай вайсковай дапамогі для Украіны ўжо знаходзіцца на складах Нямеччыны і Польшчы, паведамляе CNN са спасылкай на амерыканскіх афіцыйных асоб.

"Вялікая яе частка ўжо загадзя размешчаная на складах у Нямеччыне і Польшчы, што, відавочна, скароціць час, неабходны для ваеннай дапамогі Украіне", - сцвярджаюць крыніцы выдання.

Неназваны чыноўнік таксама паведаміў, што артылерыйскія набоі будуць аднымі з першых узбраенняў, якія будуць перададзеныя Украіне.