Еўрапарламент адмовіўся прызнаваць Пуціна легітымным

Выбары ў РФ назвалі фарсам.

Дэпутаты Еўрапарламента прынялі рэзалюцыю, якой адмовіліся прызнаваць апошнія выбары прэзідэнта Расеі, дзе перамог Пуцін. Там назвалі расейскія выбары «фарсам».

Пра гэта паведаміла прэс-служба Еўрапарламента.

Еўрапарламентарыі заклікалі дзяржавы-чальцы Еўразвяза і міжнародную супольнасць не прызнаваць вынікі расейскіх выбараў легітымнымі, бо яны былі праведзеныя на акупаваных тэрыторыях Украіны, а ўнутры Расеі не былі «ні свабоднымі, ні сумленнымі».

Еўрадэпутаты заклікалі дзяржавы-чальцы ЕЗ абмежаваць дачыненні з Пуціным.

Еўразвяз павінен быць «цалкам салідарным» з расейскай грамадзянскай супольнасцю, ужываць санкцыі да людзей, вінаватых у парушэнні правоў чалавека, і працягваць актыўна ўзаемадзейнічаць з расейскай дэмакратычнай апазіцыяй і надаваць ёй падтрымку.