У Гародні прадаецца кватэра, у якой жыў Васіль Быкаў
4- 3.04.2024, 12:48
- 4,428
![У Гародні прадаецца кватэра, у якой жыў Васіль Быкаў](https://i.c97.org/ai/590052/aux-head-1712137629-20240403_kvartira_bykov_360.jpg)
Жыллё размешчанае ў самым цэнтры горада.
У Гародні прадаецца кватэра, у якой жыў беларускі пісьменнік Васіль Быкаў. Жыллё размешчанае ў самым цэнтры горада - на вуліцы Вялікая Траецкая, піша zerkalo.io.
Трохпакаёвая кватэра знаходзіцца на высокім першым паверсе ў цагляным трохпавярховым доме 1958 пабудовы. Агульная плошча - 59,9 м², жылая - 40,8 м², кухня - 6,2 м².
У аб'яве паведамляецца, што ў доме выкананы капітальны рамонт. Маецца вялікі сухі склеп. Устаноўлены ўсе лічыльнікі. Вокны - шклопакеты ПВХ. На падлозе ляжаць ламінат, дошка, лінолеум, плітка, ДВП. Столі - нацяжны, пліта на столі «Армстронг», пабел, водаэмульсійная фарба.
![](https://i.c97.org/ai/590052/aux-1712137548-3-kvartira_v_grodno_bykov.jpg)
![](https://i.c97.org/ai/590052/aux-1712137548-4-kvartira_v_grodno_bykov.jpg)
![](https://i.c97.org/ai/590052/aux-1712137548-5-kvartira_v_grodno_bykov.jpg)
![](https://i.c97.org/ai/590052/aux-1712137549-6-kvartira_v_grodno_bykov.jpg)
![](https://i.c97.org/ai/590052/aux-1712137549-7-kvartira_v_grodno_bykov.jpg)
Аўтары аб'явы пішуць, што ўся сантэхніка ў працоўным стане. У большай спачывальні абсталяваная гардэробная. А побач з кухняй маецца ёмістая дадатковая ніша.
Каля дома размешчаны парковачныя месцы. У двары ёсць дзіцячая пляцоўка з зялёнымі насаджэннямі.
![](https://i.c97.org/ai/590052/aux-1712137549-8-kvartira_v_grodno_bykov.jpg)
![](https://i.c97.org/ai/590052/aux-1712137549-9-kvartira_v_grodno_bykov.jpg)
У крокавай даступнасці знаходзяцца сацыяльна-значныя аб'екты: крамы, дзіцячы сад, школы, гімназіі, банкі, прыпынкі грамадскага транспарту ў кожную мясціну горада. Недалёка размешчаная паліклініка № 1, лякарня, спарткомплекс "Нёман", цэнтральны рынак "Скідзельскі", Гарадзенскі ўніверсітэт, парк імя Жылібера, гістарычныя, культурныя і знакавыя месцы Гародні.
Кошт трохпакаёўкі – 211 420 рублёў, або блізу 65 000 даляраў бягучым курсам. Кошт за квадратны метр - блізу 1085 даляраў.