Украінскі спецназ разбіў калону бронетэхнікі расейцаў на ўсходнім кірунку

Відэа аперацыі.

Байцы спецыяльнага падраздзялення Нацыянальнай гвардыі МУС Украіны «Амега-1» разбілі калону бронетэхнікі расейскіх акупантаў на ўсходнім кірунку.

Пра гэта паведамляе РБК-Украіна са спасылкай на Telegram міністра ўнутраных спраў Ігара Кліменку.

Варожая тэхніка была ліквідаваная дзякуючы дакладным ударам артылерыі спецназаўцаў, а таксама выкарыстанню FPV-дрона.

Адзначаецца, што пасля фіксацыі калоны бронетэхнікі захопнікаў спачатку па цэлях адпрацавалі артылерысты «Амегі-1», спыніўшы рух тэхнікі супраціўніка.

«Ацалелай засталася толькі БМП-3 акупантаў, але ўжо ў наступную хвіліну «амегаўцы» яе паспяхова ліквідавалі», - гаворыцца ў публікацыі міністра.

Спецназаўцы нанеслі ўдар FPV-дронам з магутным акумулятыўным боепрыпасам па варожай баявой машыне пяхоты, кошт якой складае амаль 2 мільёны даляраў. У выніку БМП-3 супраціўніка была спаленая.

«Варожы штурм сарваны, акупанты ліквідаваныя. Ачышчаем нашу зямлю далей», - дадае кіраўнік МУС.

Акрамя таго, было абнародаванае відэа баявой працы «амегаўцаў» па калоне тэхнікі захопнікаў.