Парашэнка плануе зноў балатавацца ў прэзідэнты Украіны

Паводле ягоных словаў, для правядзення выбараў Украіна павінна спачатку дамагчыся поспеху ў вайне.

Пяты прэзідэнт Украіны Пётр Парашэнка заявіў, што плануе зноў балатавацца ў прэзідэнты.

«Калі вы пытаецеся ў мяне, ці планую я ўдзельнічаць у наступных выбарах, так», – сказаў ён у інтэрв'ю Al Jazeera.

Аднак, паводле ягоных словаў, для правядзення выбараў Украіна павінна спачатку дамагчыся поспеху ў баявых дзеяннях.

Парашэнка заявіў, што калі Украіна ўступіць у ЕЗ, то ён будзе балатавацца і ў Еўрапарламент.