Уласнік «Выспы чысціні» надумаў закрыць пяць сваіх кампаній у Беларусі

Яго разам з жонкай арыштоўвалі восенню 2022 года.

У Адзіным дзяржаўным рэгістры юрыдычных асоб і індывідуальных прадпрымальнікаў з'явіліся звесткі аб ліквідацыі пяці кампаній, звязаных з уласнікам сеткі крам "Востраў чысціні".

Згодна з рэгістрам, у працэсе ліквідацыі знаходзяцца ПГУП "ЗахадХімТорг", ТАА "ЗахадХімСэрвіс", ТАА "ЗахадХімІнвест", ТАА "Гандлёвая кампанія Ромакс" і ТАА "Вытворчая кампанія Ромакс". Адпаведную пастанову 14 траўня прыняў уласнік. Самая “старая” з іх дзейнічала з 2006 года, самая “маладая” - з 2016 года, нагадвае «Белсат».

Кампанія “ЗахадХімГандаль” кіруе гандлёвымі аб'ектамі “Выспа чысціні і смаку”, а таксама крамамі алкагольных напояў “Тры ласі” і крамамі тавараў для жывёл «ЗОО-выспа».

Сёлета закрыліся блізу 150 крам. Таксама ТАА “Вытворчая кампанія “Ромакс” у першым квартале панесла страты сумай 266 тысяч рублёў. Летась яна дапусціла дэфолт у аблігацыях і перанесла выплаты інвестарам на 2024 год.

У Беларусі “Ромакс” працуе з 1998 года, але сетка ўласных крамаў “Выспа чысціні” пачала развівацца ў 2010 годзе. Уласніка Віктара Рамука разам з жонкай арыштоўвалі восенню 2022 года. Некаторы час ён правёў у СІЗА і выйшаў, пагадзіўшыся выплаціць налічаныя штрафы. Ходзяць чуткі, што вялізны выкуп за гаспадара моцна адбіўся на фінансавым стане кампаніі.

З 30 кастрычніка 2023 года прыпыняў працу інтэрнэт-крама "Выспы чысціні". А з 1 снежня крама нават выдаліў усе асабістыя кабінеты і звесткі кліентаў "да аднаўлення карэктнай працы сайта". Акрамя таго, у сетцы закрыўся шэраг фізічных крам у рэгіёнах. Праўда, з 27 снежня інтэрнэт-крама аднавіла прыём замоў для дастаўкі па Менску, а з 18 студзеня 2024 года яна паэтапна адкрывае прыём замоў ва ўсіх абласных гарадах і Іўі.

У лютым 2024 года Рамук заяўляў, што пра закрыццё крам гаворка не ідзе, а "ідзе аптымізацыя сеткі пад цяперашнія фінансавыя ўмовы з-за таго, што многія пастаўшчыкі змянілі форму аплаты".