Навукоўцы: Травеньскія геамагнітныя буры могуць выклікаць серыю ўраганаў на Зямлі

Буры абрынуліся на Зямлю на мінулым тыдні.

Навукоўцы з Універсітэта штата Флорыда (ЗША) выказалі здагадку, што геамагнітныя буры, якія абрынуліся на Зямлю на мінулым тыдні, выклічуць серыю ўраганаў, піша Naked Science.

Даследнікі вывучылі актыўнасць трапічных цыклонаў за апошнія 5500 гадоў і вылучылі 11 перыядаў, калі частата ўзнікнення ўраганаў вырастала на 40%.

Прааналізаваўшы актыўнасць вугляроду-14 у зрэзах старажытнай драўніны, навукоўцы рэканструявалі звесткі пра штармы ў паўночна-ўсходнім рэгіёне Мексіканскага заліва, а таксама выявілі ўзаемасувязь падвышанай актыўнасці трапічных цыклонаў з больш высокай сонечнай актыўнасцю, якая награвае акіяны і спрыяе ўзнікненню трапічных штармоў.

Калі гіпотэза навукоўцаў дакладная, то наймацнейшая з 2003 года магнітная бура класу G5, выкліканая выбліскамі на Сонца і распачатая на Зямлі ў мінулыя выходныя, можа справакаваць серыю ўраганаў на планеце.