«Беларуская выведка»: Лукашэнка ў паніцы выклікаў да сябе генпракурора

Дыктатар усклаў на Шведа «асаблівыя паўнамоцтвы».

Лукашэнка адразу пасля УНС запрашаў да сябе генпракурора Шведа для асабістай гутаркі, паведамляе тэлеграм-канал «Беларуская выведка».

Крыніцы канала паведамляюць, што гаворка ішла аб магчымым прызначэнні яго на пасаду кіраўніка адміністрацыі Лукашэнкі. Дыктатар прапанаваў генпракурору падрыхтаваць і рэалізаваць комплексную схему пераследу апазіцыі за мяжой, намякнуўшы, што ад выніку наўпрост будзе залежаць яго прызначэнне на «гэтую адказную пасаду».

Лукашэнка паскардзіўся на «збеглых» і іх актывізацыю за мяжой.

Ён заклікаў «не дапусціць беспакаранасці», запатрабаваў раз і на заўсёды «заткнуць збеглых», пазбавіць іх усяго і не саромецца браць закладнікаў у выглядзе сваякоў, маўляў, мы - на вайне.

Іншымі словамі, ён усклаў на Шведа «асаблівыя паўнамоцтвы». Швед, у сваю чаргу, пакляўся зрабіць усё, што ад яго залежыць, і неадкладна прыступіў да схемы «часам не да законаў».