НПЗ на Кубані спыніў працу пасля нападу беспілотнікаў

Кіраўніцтва ацэньвае шкоду.

Кіраўніцтва нафтаперапрацоўчага завода ў Славянску-на-Кубані (РФ) заявіла, што прыпыняе працу прадпрыемства пасля начнога нападу беспілотнікаў. Цяпер кампанія «Славянск ЭКА» падлічвае шкоду пасля выбухаў на тэрыторыі НПЗ.

Дырэктар у комплекснай бяспецы групы кампаній «Славянск ЭКА» Эдуард Труднеў паскардзіўся, што НПЗ у Славянску-на-Кубані прыпыніў працу пасля «падзення» беспілотнікаў. Таксама ён паведаміў, што на тэрыторыі прадпрыемства працуюць сілавыя ведамствы, а кіраўніцтва ацэньвае шкоду пасля «падзення» БПЛА.

Паводле версіі крамлёўскіх прапагандыстаў, на тэрыторыі НПЗ у Славянску-на-Кубані «ўпала» шэсць беспілотнікаў. Таксама ў РФ сцвярджаюць, што ў выніку «падзення» адбыліся два выбухі на тэрыторыі завода.

НПЗ «Славянск-ЭКА» знаходзіцца ў горадзе Славянску-на-Кубані Краснадарскага краю РФ. Прадпрыемства перапрацоўвае амаль 4 млн тон прадукцыі за год.

Нагадаем, уначы, 19 траўня, у шэрагу рэгіёнаў Расеі раздаваліся выбухі і ўзніклі пажары - паблізу аэрадрома і нафтаперапрацоўчых заводаў. Зрэшты, гучна было пад Белгарадам, у Краснадарскім краі і Ленінградскай вобласці.