У цэнтры Менска прадаюць кватэру «з парыжскім шыкам»
18- 19.05.2024, 16:45
- 10,220
![У цэнтры Менска прадаюць кватэру «з парыжскім шыкам»](https://i.c97.org/ai/595684/aux-head-1716126231-20240326_foto2_360.jpg)
Як выглядае і колькі каштуе.
У базе Realt з'явілася нестандартная кватэра з мансардай у цэнтры горада. У гэтай еўрадвушцы добры рамонт, а капрамонт у доме 1938 года пабудовы зрабілі летась. У абвестцы гэты варыянт называюць «кватэрай з парыжскім шыкам».
Гэта дом 1938 пабудовы. У 2003 годзе яго рэканструявалі, а ў 2023 зрабілі капрамонт. Адрас – Захарава, 29. Побач – парк Горкага і плошча Перамогі. Спакойным крокам шпацыр зойме 5-10 хвілін.
Кватэра знаходзіцца на пятым паверсе, яна мансардная. З акна адкрываецца краявід на зялёны двор.
![](https://i.c97.org/ai/595684/aux-1716126194-1.jpeg)
Агульная плошча – 76 квадратаў, жылых з іх 54. Гэта еўрадвушка з агульнай гасцёўняй і кухняй і асобнай спальняй. Каля ўваходу арганізавана зручная шафа для захоўвання – у ёй ёсць месца і для верхняга адзення, і для бытавых рэчаў накшталт сушылкі для бялізны ці пыласоса.
![](https://i.c97.org/ai/595684/aux-1716126195-2.jpeg)
У гасцёўне, сумешчанай з кухняй, стаіць вялікі абедзенны стол і канапа. Ёсць тэлевізар і вялікая шафа. А пад скошаным мансардным дахам арганізавана працоўнае месца.
![](https://i.c97.org/ai/595684/aux-1716126195-3.jpeg)
У кухні з тэхнікі ёсць пасудамыйка, варачная панэль, духавая шафа, выцяжка і лядоўня.
![](https://i.c97.org/ai/595684/aux-1716126195-4.jpeg)
У кухні-гасцёўні тры вялікія вокны з драўлянымі шклопакетамі і падваконнікамі. Ёсць дадатковыя вокны і ў скошанай столі. А яшчэ невялікае акенца паміж пакоямі.
![](https://i.c97.org/ai/595684/aux-1716126195-5.jpeg)
Спальня выглядае атмасфернай праз тую ж мансардную столь з акенцам. Тут стаіць двухспальны ложак.
![](https://i.c97.org/ai/595684/aux-1716126195-6.jpeg)
Санвузел сумешчаны. Ёсць і душавая, і ванна – яна аформлена незвычайнымі драўлянымі рэйкамі. Пральная машына схавана за шторай, побач ёсць паліцы для захоўвання рэчаў. Яшчэ ў санвузле ёсць акно.
Каштуе кватэра 185 тысяч даляраў. Метр выходзіць 2431 даляр.
![](https://i.c97.org/ai/595684/aux-1716126195-7.jpeg)
![](https://i.c97.org/ai/595684/aux-1716126195-8.jpeg)
![](https://i.c97.org/ai/595684/aux-1716126195-9.jpeg)
![](https://i.c97.org/ai/595684/aux-1716126195-10.jpeg)
![](https://i.c97.org/ai/595684/aux-1716126195-11.jpeg)