Якія аўтамабілі пройдуць без паломак 400 000 кіламетраў: названы ТОП-10 мадэляў

Экспэрты вывучылі статыстыку зваротаў у сэрвісныя цэнтры.

Надзейнасць і даўгавечнасць заўсёды з'яўляецца адной з найважнейшых якасцяў пры выбары аўтамабіля. Не сакрэт, што розныя мадэлі маюць розны рэсурс. Некаторыя могуць праехаць сотні тысяч кіламетраў без паломак, а нехта ламаецца вельмі хутка.

Экспэрты праекта iSeeCars вывучылі статыстыку зваротаў аўтаўладальнікаў у сэрвісныя цэнтры і высветлілі, якія аўто маюць найвышэйшыя шанцы пераадолець 400000 кіламетраў без сурʼёзнага рамонту. У сярэднім імавернасць таго, што аўто дасягне гэтай адзнакі, складае 11,8 %.

У выніковы спіс увайшлі 10 мадэляў:

Ford F-350 Super Duty – Імавернасць: 49.1%

Toyota Land Cruiser – Імавернасць: 47.9%

Toyota Tundra – Імавернасць: 47.9%

Toyota Sequoia – Імавернасць: 47.1%

Ford F-250 Super Duty – Імавернасць: 43.6%

Honda Pilot – Імавернасць: 42.7%

Toyota Tacoma – Імавернасць: 41.7%

GMC Sierra 2500HD – Імавернасць: 41.3%

Chevrolet Silverado 2500HD – Імавернасць: 41.2%

Toyota 4Runner – Імавернасць: 41.0%

Экспэрты звяртаюць увагу, што большасць аўтамабіляў у гэтым спісе належаць да пікапаў і кросавераў. Часта гэтыя машыны купляюць для камерцыйнага выкарыстання, іх прафесійна абслугоўваюць, каб максімальна падоўжыць тэрмін эксплуатацыі.