Жыхар Віцебска прыдумаў арыгінальны спосаб пазбегнуць прысуду за крадзеж

Спадзяваўся, што дапаможа зялёнка.

У снежні жыхар Віцебска быў у знаёмай у гасцях, дзе яны выпівалі. Калі госць збіраўся сыходзіць дадому, ён надумаў прыхапіць торбу з асабістымі рэчамі сяброўкі, паведамілі ў Следчым камітэце.

Жанчына заўважыла знікненне і напісала заяву на мужчыну, абвінавачваючы яго ў крадзяжы. На яго была заведзеная крымінальная справа, і на канец сакавіка было прызначанае судовае пасяджэнне. Мужчына, які меў багатую гісторыю крымінальных злачынстваў, баяўся прысуду і зрабіў дзіўны крок, каб змякчыць яго.

Ён падышоў да знаёмай ля будынку суда і запатрабаваў, каб яна адмовілася ад удзелу ў пасяджэнні. Калі яна адмовілася, мужчына абліў яе зялёнкай, выклікаўшы хімічны апёк вачэй. Жанчына неадкладна звярнулася па медыцынскую дапамогу, у яе дыягнаставалі лёгкія цялесныя пашкоджанні.

Мужчыну абвінавацілі ў новым злачынстве - перашкода прыходу пацярпелай у суд і дачы сведчанняў. Падчас допыту мужчына прызнаўся, што баяўся турэмнага зняволення і таму пайшоў на такія радыкальныя меры. Ён спрабаваў перакласці віну на пацярпелую, але гэта не дапамагло яму пазбегнуць адказнасці.