СМІ даведаліся пра дэталі ўдару па расейскім аэрадроме ў Краснадарскім краі

Як мінімум тры дроны дасягнулі цэлі.

У выніку ўдару па расейскім вайсковым аэрадроме «Кушчэўская» (знаходзіцца на ўскраіне аднайменнай станіцы ў Краснадарскім краі РФ) адзін самалёт супраціўніка пашкоджаны.

Пашкоджанні атрымалі звышгукавы цяжкі знішчальнік Су-27, а таксама інфраструктура аэрадрома, паведамляе Telegram-канал выдання ASTRA, спасылаючыся на звесткі крыніц у рэгіянальных экстраных службах.

«Як мінімум тры БПЛА не былі збітыя і патрапілі па тэрыторыі вайсковага аэрадрома на станіцы Кушчэўская… уночы 19 траўня… У выніку атакі ўзнік пажар, быў пашкоджаны расейскі звышгукавы знішчальнік СУ-27 і інфраструктура аэрадрома», - гаворыцца ў паведамленні.