Reuters: УСУ дабіліся важнага пералому ў Харкаўскай вобласці

Вайсковая дапамога ад ЗША пачала дзейнічаць.

Украінскія абаронцы, якія зараз абараняюць межы ў Харкаўскай вобласці, канстатуюць змяншэнне дэфіцыту набояў пасля аднаўлення вайсковай дапамогі ад ЗША.

Пра гэта піша Reuters.

Вайскоўцы УСУ, якія зараз вядуць баі ў паўночных раёнах Харкаўшчыны, адзначаюць іх больш высокую інтэнсіўнасць у параўнанні з аперацыяй паблізу Бахмута ў 2023 годзе. Пры гэтым украінскія абаронцы зазначаюць, што ёсць змяншэнне катастрафічнага дэфіцыту набояў.

Наводчык гаўбіцы 92-й асобнай штурмавой брыгады Узброеных сіл Украіны Павел расказвае, што раней абараняў Украіну ў раёне Бахмута, а цяпер іх падраздзяленне перамясцілі ў Харкаўскую вобласць.

«Тут значна «гарачэй». Там у нас не было набояў, а тут хоць набоі ёсць, іх пачалі завозіць. Ёсць чым працаваць, ёсць чым ваяваць», - дадаў вайсковец.

Камандзір артылерыйскага падраздзялення брыгады Віталь перакананы, што набоі не скончацца, бо ўсе разумеюць важнасць утрымання абароны.

«Так, мы будзем атрымліваць боепрыпасы, бо мы супрацьстаім вялікай і сур'ёзнай групоўцы ворага. Калі мы зараз прадэманструем, што здольныя ў такой экстрэмальнай сітуацыі спыніць шырокамаштабны наступ ворага на Харкаў і Харкаўскую вобласць, то вораг не наважыцца нават думаць аб наступленні на Кіеў, Чарнігаў, Сумы або Палтаўшчыну», - сказаў ён.