«Ад санкцый Лукашэнка едзе з глузду»
6- 22.05.2024, 10:32
- 10,636
![«Ад санкцый Лукашэнка едзе з глузду»](https://i.c97.org/ai/465553/aux-head-1651255077-20220427_skrin_360.jpg)
Не атрымалася з Афрыкай, не атрымаецца з Магаданам.
Лукашэнка ад безграшоўя кідаецца на Магадан. Беларускі дыктатар спрабаваў прадаць губернатару Магаданскай вобласці Сяргею Носаву ўсё запар, заўважыў чытач сайта Charter97.org:
- Пачынаючы ад мяса, малочнай прадукцыі, заканчваючы самаскідамі.
Насельніцтва вобласці, пад умелым кіраваннем расейскіх кіраўнікоў, з часоў СССР зменшылася больш як у чатыры разы. Цяпер яно складае 130 тысяч чалавек, што менш за насельніцтва Барысава. Раскіданае яно па тэрыторыі ў два разы большай за Беларусь. Адлегласць да Беларусі - больш за 11 тысяч кіламетраў. Варыянтаў купіць у магаданцаў бліжэй, танней і лепш - мноства. Шакавальныя перспектывы.
Таксама самазванец завабліваў Носава на гомельскі «Крышталь», магаданскае золата перапрацоўваць, супольныя вытворчасці адчыняць. Нядаўна мы нешта такое чулі. Зімбабвэ і іншыя афрыканскія краіны павінны былі золатам заваліць. Не атрымалася з Афрыкай, не атрымаецца з Магаданам.
Ад санкцый рэжым Лукашэнкі едзе з глузду. І іх трэба ўзмацняць.