Акупант у роспачы паспрабаваў атакаваць баявы дрон нажом

І насмяшыў байцоў УСУ.

Вайсковец Узброеных сіл Расейскай Федэрацыі спрабаваў абараніцца ад удару ўкраінскага беспілотнага лятальнага апарата, атакуючы яго нажом, але беспаспяхова.

Адпаведныя кадры апублікавалі вайскоўцы батальёна Strike Drones Company 47-й асобнай механізаванай брыгады Узброеных сіл Украіны ў Telegram 22 траўня.

Заўважыўшы набліжэнне ўкраінскага дрона вайсковец УС РФ некалькі разоў замахнуўся на яго нажом. Аднак нанесці ўдар расейскі акупант так і не паспеў. У канчатковым выніку ён быў ліквідаваны ўдарам беспілотніка.

«Курс нажавога бою ад расейскага акупанта. Орк спрабаваў атакаваць наш дрон нажом. Было смешна. Дайце яшчэ», - пракаментавалі кадры вайскоўцы 47-й АМБр.