Фінляндыя адрэагавала на пастанову РФ змяніць мяжу ў Балтыйскім моры
13- 22.05.2024, 12:37
- 26,322
![Фінляндыя адрэагавала на пастанову РФ змяніць мяжу ў Балтыйскім моры](https://i.c97.org/ai/266596/aux-head-1508507417-2017020_finy_t.jpg)
Заяву агучыла кіраўніца МЗС краіны.
Фінляндыя мае намер высветліць дэталі планаў Расеі ў аднабаковым парадку «змяніць» марскія межы краіны ў Балтыйскім моры.
Пра гэта заявіла міністарка замежных спраў Фінляндыя Эліна Валтанен, паведамляе РБК-Украіна са спасылкай на яе паведамленне ў Twitter.
«З паведамленняў СМІ, Расея можа перагледзець вызначэнне марскіх зон у Фінскай затоцы. Міністэрства замежных спраў высвятляе дэталі», - заявіла яна.
Міністарка нагадала, што канвенцыя ААН аб марскім праве мае пункты аб вызначэнні марскіх зон прыбярэжных дзяржаў, у тым ліку аб іх пераглядзе.
«Мы мяркуем, што Расея, як удзельніца Канвенцыі, будзе дзейнічаць адпаведным чынам. Варта памятаць, што занясенне блытаніны - гэта яшчэ і гібрыдны ўплыў. Фінляндыю гэта не збянтэжыць», - падкрэсліла Валтанен.
Напярэдадні стала вядома, што Мінабароны РФ падрыхтавала пастанову, паводле якой Масква ў аднабаковым парадку «зменіць» марскія межы з Літвой і Фінляндыяй у Балтыйскім моры.