Камандзір сакрэтнага падраздзялення ГУВ расказаў аб першым баявым выкарыстанні марскіх дронаў Magura
1- 22.05.2024, 15:41
- 5,060
![Камандзір сакрэтнага падраздзялення ГУВ расказаў аб першым баявым выкарыстанні марскіх дронаў Magura](https://i.c97.org/ai/516230/aux-head-1663514716-20220918_razvedka_360.jpg)
Вынік быў "шыкоўны".
У траўні 2023-га падраздзяленне ГУВ Group-13, якое працуе з марскімі дронамі Magura, правяло сваю першую паспяховую аперацыю: знішчыла каля Басфора расейскае выведвальнае судна “Іван Хурс”. Праўда, пашкоджанні не былі фатальнымі, - варожы карабель змог вярнуцца ў Севастопаль.
Пра гэта ідзе гаворка ў артыкуле NV "Начны жах маракоў РФ".
Як успомніў камандзір падраздзялення - афіцэр з пазыўным Трынаццаты - фактычна атака на “Хурс” была баявым выпрабаваннем: у той час дроны мелі праблемы з сувяззю, ды і каманда яшчэ не спрацавалася.
Як успомніў кіраўнік Group-13, група Magura сустрэла «расейцаў» досвіткам — тры дроны ў тумане няўзнак наблізіліся да судна і атакавалі. Расейцы пашкодзілі два беспілотнікі, але трэці змог трапіць у цэль. "На жаль - не крытычна", - дадаў Трынаццаты.
Тым не менш, кажа зараз камандзір Group-13, "як для першай місіі вынік быў шыкоўны".