На борце гелікаптэра Раісі быў «таямнічы» расеец?

Ён мог мець дачыненне да ядзернай праграмы Ірана.

19 траўня разбіўся гелікаптэр Bell-214 на борце якога быў прэзідэнт Ірана Ібрахім Раісі, а таксама шэраг чыноўнікаў Тэгерана - выжыць нікому не ўдалося. Пазней высветлілася, што сярод пасажыраў быў адзін замежнік, які з'яўляецца грамадзянінам Расеі. Пра гэта напісаў ваенна-палітычны аглядальнік групы "Інфармацыйны супраціў" Аляксандр Каваленка на сваёй старонцы ў «Фейсбуке».

Паводле ягоных слоў, таямнічым загінулым на борце іранскага гелікаптэра з'яўляецца расеец з прозвішчам Кручоў. Пра гэта напісалі толькі некаторыя іранскія, грузінскія і індыйскія сродкі масавай інфармацыі, пасля чаго фактычна забыліся на яго.

«У сваю чаргу, ніводнае расейскае СМІ не паведамляла пра расейца на борце іранскага гелікаптэра, які разбіўся ў правінцыі Усходні Азербайджан. На сябе звяртае ўвагу, што пасля катастрофы ў Расеі больш значна ажывіліся», - заўважыў Аляксандр Каваленка.

Ён нагадаў паведамленне пасла Ірана ў Маскве журналістам аб тым, што вечарам 19 траўня адбылася сустрэча Пуціна з новым міністрам абароны Андрэем Белавусавым, сакратаром Савета бяспекі Сяргеем Шайгу, кіраўніком Генштаба Валерыем Герасімавым, дарадцам прэзідэнта Ігарам Лявіціным, кіраўніком МНС Аляксандрам Куранковым, а таксама з адным з высокапастаўленым чыноўнікам з ФСБ, імя якога не называецца.

Ваенна-палітычны аглядальнік сумняваецца, што ўсе гэтыя людзі правялі нараду толькі з-за таго, што турбаваліся пра лёс іранскага прэзідэнта Ібрахіма Раісі і думалі пра тое, як дапамагчы.

«Не выключана, што нехта Кручоў меў непасрэднае дачыненне да ядзернай праграмы Ірана і суправаджаў прэзідэнта Раісі ў гэтай паездцы не проста так. І стойванне ягонай прысутнасці на борце Bell-214 было вельмі важным для Расеі і пра лёс менавіта гэтага чалавека расейскае ваенна-палітычнае кіраўніцтва турбавалася найперш», - рэзюмаваў Аляксандр Каваленка.