У Менску плануюць замяніць 79 км трубаправодаў

Ці будуць на час прац адключаць гарачую ваду?

У 2024 годзе спецыялісты філіяла "Менскія цеплавыя сеткі" рэспубліканскага прадпрыемства "Мінскэнерга" плануюць замяніць 79 кіламетраў трубаправодаў. Ці будуць работы суправаджацца перапынкамі ў падачы гарачага водазабеспячэння і цеплазабеспячэння, агенцтву "Мінск-Новости" растлумачыў намеснік галоўнага інжынера філіяла Андрэй Жэшка.

У адрозненне ад планавых мерапрыемстваў у выпрабаваннях цепласетак, калі гарачую ваду адключаюць максімум на 13 дзён, правядзенне будаўніча-мантажных работ для замены трубаправодаў прадугледжвае іншы падыход.

- Жыхарам дамоў у зоне правядзення работ не варта турбавацца: на час рэканструкцыі будаўнікі, згодна з праектнай дакументацыяй, мантажуюць надземны трубаправод для цеплазабеспячэння і гарачага водазабеспячэння спажыўцоў, - тлумачыць спецыяліст. - Так, такія часовыя збудаванні могуць пракласці праз дваровую тэрыторыю, што стварае пэўныя нязручнасці. Просім мясцовых жыхароў паставіцца да гэтага з разуменнем, бо галоўнае - паслугі забеспячэння цяплом і гарачай вадой будуць выконвацца без перабояў.