У Койданаўскім вадасховішчы — масавы мор рыбы
7- 24.05.2024, 12:20
- 7,420
![У Койданаўскім вадасховішчы — масавы мор рыбы](https://i.c97.org/ai/278575/aux-head-1517860204-karas_360.jpg)
Але лавіць яе не забараняюць.
У Койданаўскім вадасховішчы адбыўся масавы мор рыбы. Як піша dzr.by, дзясяткі тушак мёртвай рыбы плаваюць у вадзе або ляжаць на беразе.
Пра мор рыбы раніцай 23 траўня ў Дзяржынскую раённую інспекцыю прыродных рэсурсаў і аховы навакольнага асяроддзя паведаміў мясцовы жыхар. На месцы здарэння спецыялісты налічылі больш за 500 галоў сярэбранага карася. Сярэдняя вага адной рыбы - каля 250-350 грамаў.
![](https://i.c97.org/ai/596285/aux-1716542115-1.jpg)
Для правядзення паразіталагічных абследаванняў рыбу забралі спецыялісты Менскай абласной ветэрынарнай лабараторыі. Лабараторнымі даследаваннямі вады на прадмет забруджвання займаецца Рэспубліканскі цэнтр аналітычнага кантролю ў сферы аховы навакольнага асяроддзя.
![](https://i.c97.org/ai/596285/aux-1716542115-2.jpg)