У беларускай вёсцы на мяжы з Украінай эвакуавалі дзясяткі жыхароў

Што здарылася?

З вёскі Жмурнае Лельчыцкага раёна Гомельскай вобласці, размешчанай усяго за восем кіламетраў ад мяжы з Украінай, 23 траўня эвакуавалі не менш як два дзясяткі жыхароў.

Спецмерапрыемствы праводзіліся ў рамках раённых камандна-штабных і тактыка-спецыяльных вучэнняў.

Са звестак раённага выдання «Светлае жыццё», у рамках вучэнняў адпрацоўваўся сцэнар узнікнення ляснога пажару з пагрозай распаўсюджвання пажару на вёску Жмурнае. Задачай эвакуацыйнай камісіі было арганізаваць экстраны вываз і часовае размяшчэнне сельскіх жыхароў.

Са звестак мясцовага выдання, на эвакуацыю жыхароў пайшло не больш за паўгадзіны, а самі мерапрыемствы прайшлі "строга паводле інструкцыі" і "без мітусні".