Мядзведзь з Беларусі на тры гадзіны схадзіў у Літву

Відэафакт.

Мядзведзь з Беларусі на тры гадзіны схадзіў у Літву. Пра гэта расказалі ў Службе аховы дзяржаўнай мяжы суседняй краіны.

Памежнікі заўважылі мядзведзя дзякуючы камерам назірання. Ён перайшоў мяжу на тэрыторыі запаведніка Чапкеляй. У гэтым месцы з-за складанага рэльефу не была устаноўленая агароджа. Аднак тут паставілі сістэму назірання.

Мядзведзь прыйшоў у Літву а 4.30 раніцы. На тэрыторыі краіны ён правёў тры гадзіны, а а 7.30 вярнуўся ў Беларусь недалёка ад таго месца, дзе першапачаткова перайшоў мяжу.