Расея адклікала амбасадара з Арменіі для кансультацый

Праз заявы Пашыняна?

МЗС Расеі абвясціла, што пасол краіны ў Арменіі Сяргей Капыркін быў выкліканы ў Маскву для кансультацый. Іншых дэталяў у паведамленні не прыводзіцца - не пазначаная і прычына такой пастановы.

Дачыненні Расеі і Арменіі застаюцца няпростымі. Прычына палягае ў тым ліку ў канфлікце Арменіі і Азербайджана. Ерэван намагае, што падчас яго апошніх абвастрэнняў у 2020 і 2023 гадах Масква не надала неабходную дапамогу, хаця абодва бакі з'яўляюцца членамі Арганізацыі Дамовы аб калектыўнай бяспецы (АДКБ).

У лютым Пашынян заявіў, што сяброўства краіны ў АДКБ фактычна замарожанае. У траўні Ерэван спыніў фінансаваць арганізацыю, а некалькі дзён таму армянскі прэм'ер таксама абвінаваціў дзве краіны АДКБ у падрыхтоўцы вайны ў Карабаху. «Гэтыя краіны стварылі імітацыю таго, што дапамагаюць нам, але я хачу сказаць, што тая вайна была не праз Нагорны Карабах, яна была аб тым, каб Арменія нічога з сябе не ўяўляла», — сказаў Пашынян, не ўдакладніўшы, пра якія краіны ідзе гаворка.

На гэтым фоне Ерэван актывізаваў кантакты з краінамі Захаду.