У Менску затрымалі дваіх грамадзянаў Таджыкістана

Паводле падазрэння ў тэрарызме.

Двух грамадзянаў Таджыкістана затрымалі ў Менску паводле падазрэння ў падрыхтоўцы тэрактаў на тэрыторыі сваёй краіны, паведаміла «РІА Навіны» афіцыйная прадстаўніца МУС Беларусі Наталля Сахарчук.

«Супрацоўнікамі галоўнай управы барацьбы з арганізаванай злачыннасцю і карупцыяй МУС пры сілавой падтрымцы САХРу ў Менску затрыманыя два грамадзяніны рэспублікі Таджыкістан, якія падазраюцца ў падрыхтоўцы ўчынення тэрактаў на тэрыторыі Таджыкістана», – удакладніла Сахарчук.

Прадстаўніца МУС Беларусі заявіла, што «цяпер яны перададзеныя супрацоўнікам УБАЗ МУС Таджыкістана».

У пачатку траўня ў Беларусі затрымалі чатырох студэнтаў, якія нібыта рыхтавалі тэракты на ўказанне ўкраінскіх спецслужбаў, паведаміў міністр замежных справаў Сяргей Алейнік.