Зяленскі расказаў пра страты УСУ падчас наступу расейцаў у Харкаўскай вобласці
2- 25.05.2024, 15:43
- 10,004
![Зяленскі расказаў пра страты УСУ падчас наступу расейцаў у Харкаўскай вобласці](https://i.c97.org/ai/596355/aux-head-1716576500-20240101_zelenski_360.jpg)
Украіна здолела стабілізаваць сітуацыю.
У інтэрв'ю журналістам з Цэнтральнай Азіі прэзідэнт Украіны Уладзімір Зяленскі ацаніў расейскія страты, паведамляе BBC.
«Глядзіце. Іх “прарыў” у кірунку Харкава. Які быў… колькі ўжо прайшло? Дзён 20? Два тыдні. Крыху больш. Ахвяры – адзін да васьмі. Адзін украінец – восем расейцаў. Ваенныя ахвяры – адзін да васьмі», – сказаў Зяленскі.
Паводле словаў Зяленскага, «Пуціну абсалютна напляваць на разуменне чалавечага жыцця, яму напляваць і на сваіх людзей, як на цывільных, так і на вайскоўцаў».
Расейскія войскі ў траўні пачалі наступ на поўначы Харкаўскай вобласці. Пуцін гаварыў, што планаў узяцця Харкава ў Расеі «на сёння» няма, а ўкраінскі прэзідэнт Уладзімір Зяленскі сказаў, што ўкраінскія войскі здолелі стабілізаваць сітуацыю.