Нацыянальная каманда Чэхіі выйшла ў фінал ЧС у хакеі

Чэшскія хакеісты разбілі шведаў.

Нацыянальная каманда Чэхіі выйшла ў фінал дамашняга чэмпіянату свету ў хакеі, абгуляўшы каманду Швецыі (7:3).

У першым перыядзе шведы двойчы выходзілі наперад дзякуючы галам Маркуса Юхансана і Маркуса Петэрсана, але чэхі абодва разы адыгрываліся намаганнямі Дамініка Кубаліка і Давіда Кампфа.

У другім перыядзе каманда Чэхіі закінула тры шайбы на працягу трох хвілін – аўтарамі галоў сталі Ондржэй Кашэ, Марцін Нечас і Кубалік, які аформіў дубль.

Затым у шведаў забіў Ёэль Эрыксан Эк, на што гаспадары турніру адказалі дублем Лукаша Седлака. Яшчэ адна шайба Седлака ў пустую браму была не залічаная пасля відэапрагляду.