Беларусам прадавалі мяса, выкапанае з жывёламагільнікаў

Ашуканцы арудавалі на тэрыторыі трох абласцей.

Сілавікі затрымалі ашуканцаў, якія прадавалі людзям мяса, якое даставалі з жывёламагільнікаў, паведамляе МУС.

Усе ўдзельнікі злачыннай групы жылі ў Любані, а «працавалі» на тэрыторыі Менскай, Магілёўскай і Гомельскай абласцей.

Тушы здабывалі з жывёламагільніка, раскрыжоўвалі і прадавалі, як збытчыкам мяса, так і простым пакупнікам.

МУС заявіла, што кожны з іх быў раней судзімы за крадзеж буйной рагатай жывёлы.