Tesla выпусціла кубак у стылі Cybertruck
9- 25.05.2024, 20:01
- 5,722
Каштуе такі «аксэсуар» 50 даляраў.
Tesla папоўніла калекцыю аксэсуараў у стылі Cybertruck дарожным кубкам пад назвай CyberVessel. Форма кубка распрацавана для падшклянкі пікапа і ў той жа час сумяшчальная з усімі астатнімі мадэлямі брэнда, піша «Аўтацэнтр».
Вонкава яна нагадвае будынак Сусветнага гандлёвага цэнтру ў Нью-Ёрку. Корпус у яе з матавай нержавеючай сталі з падвойнымі сценкамі. Таксама маецца шарнірная ручка і вакуумнае вечка з выгравіраваным сілуэтам Cybertruck. Умяшчальнасць – 0,6 літра.
Каштуе CyberVessel 50 даляраў і нягледзячы на даволі самавіты цэннік у афіцыйнай краме Tesla яе ўжо няма. Затое яе можна знайсці на eBay, праўда, утрая даражэй.
Але Tesla прапануе шмат іншых прадметаў у стылі свайго электрапікапа. Напрыклад, за 40-60 даляраў можна набыць піўную куфаль, кіберсвісток, тэрмакубак або адкрывалку. Таксама ў спісе плед за 150 даляраў і заплечнік за 260 даляраў. Для дзяцей Tesla прыгатавала электрычны квадрацыкл за 1900 даляраў, а дарослыя аўтамабілісты могуць абзавесціся кібермолатам за 700 даляраў.