Жыхар Пецярбурга адкрыў стральбу па паліцыянтах
8- 25.05.2024, 20:21
- 7,046
![Жыхар Пецярбурга адкрыў стральбу па паліцыянтах](https://i.c97.org/p/articles/2016/ai-234999-aux-head-20161220_ment_rus_t.jpg)
Расеец вёў страляніну з балкона вышыннага дома.
Жыхар Пецярбурга адкрыў страляніну па паліцыянтах, якія прыехалі на выклік, і забарыкадаваўся ў кватэры, паведамляе «Радио Свобода».
Раней у паліцыю паступіла інфармацыя аб канфлікце са стральбой – як мяркуецца, з траўматычнай зброі. Паводле звестак «Фантанкі», 59-гадовы мужчына стрэліў у прадаўца мясцовай крамы, які два тыдні таму зрабіў яму заўвагу наконт курэння ў грамадскім месцы.
«Фантанка» апублікавала відэа, на якім, як сцвярджаецца, падазраваны вядзе стральбу з балкона вышыннага дома.
Дом ачапілі паліцыя і выратавальныя службы, жыхары былі эвакуяваныя. Падчас штурму кватэры мужчына аказаў супраціўленне, пасля чаго байцы САХР адкрылі агонь. Паводле інфармацыі СМІ, медыкам не ўдалося выратаваць жыццё мужчыны.