У Санкт-Пецярбургу сутыкнуліся два расейскія караблі
5- 26.05.2024, 8:15
- 14,288
![У Санкт-Пецярбургу сутыкнуліся два расейскія караблі](https://i.c97.org/ai/596476/aux-head-1716700473-20240101_karabli_360.jpg)
Таран паказалі на відэа.
У Санкт-Пецярбургу (Расейская Федэрацыя) на рацэ адбылася карабельная аварыя ў ноч на 26 траўня. Адно прагулачнае судна пратараніла другое.
Пра гэта паведамляе РБК-Украіна са спасылкай на расейскую Паўночна-Заходнюю транспартную пракуратуру і Telegram-канал SHOT.
Інцыдэнт у Пецярбургу на Няве адбыўся пад Ліцейным мостам.
Адзначаецца, што цеплаход пад назвай «Саларыс» ударыў насавой часткай прагулачна-экскурсійнае судна «Чайка-СПГ» і прабіў канструкцыі на борце пацярпелага карабля.
Звестак наконт магчымых пацярпелых у выніку нашэсця цеплаходаў адзін на аднаго пакуль няма.
У расейскай установе заявілі, што абставіны здарэння і ягоныя прычыны высвятляюцца.
«Санкт-Пецярбургская транспартная пракуратура каардынуе працу воднай паліцыі ў вызначэнні ўсіх абставінаў, праверыць выкананне заканадаўства аб бяспецы руху пры эксплуатацыі воднага транспарту і захаванні правоў пасажыраў, дасць ацэнку дзеянням адказных асобаў, пры наяўнасці падставаў ужыве захады пракурорскага рэагавання», – гаворыцца ў заяве.
Таксама ў сетцы былі апублікаваныя кадры тарана на Няве двух караблёў.
![](https://i.c97.org/ai/596476/aux-1716700479-11.png)
![](https://i.c97.org/ai/596476/aux-1716700479-22.png)