У Лос-Анджэлесе застрэлілі вядомага амерыканскага актора

Бандыты хацелі абрабаваць яго аўто.

Амерыканскі актор Джоні Уэктар, вядомы з роляў у серыялах "Свет Дзікага Захаду", "Галоўная лякарня" і "Сібір", загінуў у Лос-Анджэлесе. Яго застрэліў адзін са злачынцаў, які хацеў абрабаваць аўто. Пра гэта паведамляе NBC.

“Ён спачатку падумаў, што аўто эвакуююць, і падышоў разабрацца. Падазроны, які вярнуўся да яго, быў у масцы і адкрыў агонь”, — пішуць журналісты.

Уэктар не загінуў на месцы, яго шпіталізавалі. Аднак выратаваць актора не ўдалося. Нападнікі змаглі ўцячы з месца злачынства.

Джоні Уэктар дэбютаваў на тэлевізіі ў серыяле "Армейскія жонкі", у якім зняўся ў эпізадычных ролях у 2007-2009 гадах. Таксама Уэктар згуляў у серыялах “Думаць як злачынец” і “Пажарная частка 19”.