Нелегал параніў нажом польскага жаўнера на мяжы з Беларуссю

Падрабязнасці.

Нелегал параніў нажом польскага вайскоўца на мяжы з Беларуссю. Пра гэта заявіў намеснік міністра ўнутраных спраў і адміністрацыі Чэслаў Мрочак у эфіры Першага канала польскага радыё.

«Сёння з раніцы атрымаў вельмі нядобрую інфармацыю аб тым, што адзін з салдат, які спрабаваў затрымаць уцекача, які пераходзіў мяжу, быў паранены нажом», - сказаў ён.

Вайсковец быў дастаўлены ў шпіталь. Раненне было сур'ёзным, аднак пагрозы жыццю салдата няма.

Мрочак таксама адзначыў, што міграцыйны ціск на мяжы нарастае.

«Нарастае міграцыйны ціск, расце агрэсія гэтых асоб. Спрабуюць фарсаваць мяжу ў вялікіх групах, якія фармуюцца дзякуючы падтрымцы беларускіх службаў», - сказаў ён.