У Полацкім раёне разбурыўся мост

Рух транспарту спынены.

У Полацкім раёне каля вёскі Багушова разбурыўся мост, спынены рух транспарту, піша раённая газета. На здымках бачна, што абрынулася адна пліта, паведамляе «Еўрарадыё».

На месцы працуе камісія, спецыялісты абследуюць мост. Пазней стане вядома, у якім стане знаходзіцца аб'ект і які рамонт спатрэбіцца.

У Беларусі звычайна актуальная праблема мастоў, якім патрэбная рэканструкцыя. Але для гэтага неабходна фінансаванне, якое праз санкцыі абмежаванае. А рэжым усё больш марнуе грошай на сілавікоў і ўзбраенні.