The Economist: Украінскія дроны знайшлі спосаб абыходзіць сістэму глушэння РФ

Беспілотнік сам атакуе цэлі акупантаў, не чакаючы загада аператара.

Акупанты навучыліся глушыць ўкраінскія дроны на перадавой, што яшчэ больш ускладняе УСУ барацьбу з УС РФ. Аднак украінскім абаронцам усё ж удалося знайсці выхад з сітуацыі, якая склалася.

Украінскія распрацоўшчыкі стварылі новы пакет праграмнага забеспячэння для дронаў тыпу Eagle Eyes. Праграмнае забеспячэнне дазваляе арыентавацца дронам толькі з дапамогай «машыннага зроку», піша The Economist.

Беспілотнік арыентуецца толькі на тыя карты, якія былі раней у яго ўшытыя, і параўноўвае іх з відэавыявай мясцовасці, над якой той пралятае. У такім выпадку яго не вельмі турбуюць «глушыцелі».

Больш за тое, беспілотнік тыпу Eagle Eyes можа распазнаваць некаторыя наземныя цэлі, уключаючы танкі, гелікаптэры, пускавыя ўстаноўкі і інш. Як толькі дрон іх выявіць, ён наносіць удар сам, не чакаючы загаду аператара.

Адзін з камандзіраў аператараў дронаў УСУ прызнаўся, што галоўнай мэтай для Eagle Eyes з'яўляюцца станцыі глушэння УС РФ. Цэль №2 - сістэмы СПА.

Упершыню спецназаўцы УСУ выпрабавалі гэтыя дроны вясной 2023 года. Цяпер такія дроны актыўна выкарыстоўваюць украінскія абаронцы з падраздзялення «Белы арол» на Поўдні Украіны.

Беспілотнік можа пераадолець адлегласць да 60 км. Яго таксама часам выкарыстоўваюць для нанясення ўдараў па энэргетычнай інфраструктуры РФ.