Лукашэнка ляціць у краіну, дзе яго непрыемна «ўкалолі»

Экс-прэзідэнт Манголіі заступаўся за беларускіх палітвязняў.

З 1 да 4 чэрвеня Лукашэнка зробіць візіт у Манголію і прыме ўдзел у бізнэс-форуме 3 чэрвеня, дзе 32 беларускія кампаніі прадставяць свае праекты.

Гістарычна стасункі паміж Лукашэнкам і Манголіяй былі неадназначнымі, згадвае палітолаг Зміцер Балкунец:

— У 2011 годзе прэзідэнт Манголіі Цахіягійн Элбэгдорж (2009-2017) адкрыта выказаўшы незадаволенасць з нагоды палітычнай сітуацыі ў Беларусі.

Ён падкрэсліў сваю нязгоду з тым, што адзін з кандыдатаў у прэзідэнты Беларусі займае прэзідэнцкае крэсла, у той час як іншыя знаходзяцца ў турме.