З’явілася яшчэ адно сведчанне праблем Лукашэнкі са здароўем

Дыктатар можа знаходзіцца толькі ў спецыяльна створаных умовах.

Дыктатар Лукашэнка ўсё часцей з'яўляецца на публіцы ў недарэчным адзенні — бамберы. У ім ён учора, 29 траўня, наведваў завод “Легмаш” у Воршы, а яшчэ некалькімі днямі раней праводзіў у аэрапорце Уладзіміра Пуціна.

Экс-дыпламат Павел Мацукевіч распавёў zerkalo.io, што нефармальнага стылю адзення Лукашэнка прытрымліваецца падчас паездак. Пры гэтым на мерапрыемствах у сваёй рэзідэнцыі ён заўсёды ў гарнітуры.

— Магчыма, гэта звязана з тым, што ў Палацы незалежнасці падтрымліваецца пэўны ўзровень тэмпературы паветра (раней экс-чыноўнікі таксама расказвалі, што Лукашэнка вельмі не любіць спякоту, і ў памяшканнях, дзе ён знаходзіцца, кандыцыянеры працуюць на поўную магутнасць. — рэд.) і там ён камфортна адчувае сябе ў гарнітуры, - мяркуе былы дыпламат. — А ўжо на выездах, дзе патрабуюцца нейкія актыўныя перасоўванні, гарнітур, кашуля і гальштук пачынаюць дастаўляць дыскамфорт.