Дроны атакавалі аэрапорты ў Татарстане
7- 31.05.2024, 9:58
- 12,662
![Дроны атакавалі аэрапорты ў Татарстане](https://i.c97.org/ai/468939/aux-head-1653213746-20220522_bespilotnik_360.jpg)
У Казані і Ніжнякамску ўведзены план «Дыван».
У Расеі раніцай 31 траўня паскардзіліся на атаку дронаў па Татарстане, з-за чаго ў некаторых буйных гарадах у тэрміновым парадку прыпынілі працу аэрапорты. Мясцовыя жыхары заявілі аб пралёце БПЛА і эвакуацыі работнікаў хімзаводаў пад гукі сірэн, перадае obozrevatel.com.
У сеціве яны апублікавалі відэа. Паводле звестак прапагандыстаў, рэгіён спрабавалі атакаваць два беспілотнікі.
Адзначаецца, што праз дронавую пагрозу быў уведзены план «Дыван» у аэрапортах Казані і Ніжнякамску: яны часова перасталі прымаць і адпраўляць самалёты.
![](https://i.c97.org/ai/597117/aux-1717138719-1.jpg)
«Адзін беспілотнік збіты над Татарстанам, паведамляюць відавочцы. Папярэдне, рэгіён спрабавалі атакаваць два дроны», – заявілі расейскія прапагандысты.
![](https://i.c97.org/ai/597117/aux-1717138719-2.jpg)
Тым часам жыхары Ніжнякамска паведамлялі, што з мясцовых хімпрадпрыемстваў пачалі тэрмінова эвакуаваць работнікаў. Як і ў Казані, у горадзе чулася сірэна паветранай трывогі.
![](https://i.c97.org/ai/597117/aux-1717138719-3.jpg)