На набярэжнай у Алушце зарэзалі двух вайскоўцаў РФ
9- 31.05.2024, 12:49
- 16,216
![На набярэжнай у Алушце зарэзалі двух вайскоўцаў РФ](https://i.c97.org/ai/597148/aux-head-1717148913-20240531_alushta_360.jpg)
Ёсць розныя версіі нападу на акупантаў.
У акупаваным Крыме на набярэжнай у горадзе Алушта мясцовы жыхар забіў двух расейскіх акупантаў. Ён зарэзаў іх нажом. Пра гэта паведамляюць у тэлеграм-канале "Сапа Юг".
Адзначаецца, што загінулымі былі вайскоўцы УС РФ 39-гадовы Ніязбек Ш. з Уладзікаўказа і 32-гадовы Аляксандр У. з Растова-на-Доне. Таксама ёсць яшчэ адзін пацярпелы з Растоўскай вобласці. Ён атрымаў рэзаныя раны рук і жывата.
Адзначаецца, што трое мужчын напалі на мінака і пачалі яго біць, ён дастаў нож і параніў крыўдзіцеляў. З іншай версіі, трое расейскіх вайскоўцаў нібыта зрабілі заўвагу кампаніі, якая выпівала на лаўцы, пачалася сварка, пасля чаго мужчына з кампаніі дагнаў вайскоўцаў і напаў з нажом.
Нападнікам быў 40-гадовы мясцовы жыхар, які раней ужо адбываў пакаранне за разбой.
![](https://i.c97.org/ai/597148/aux-1717148848-284e0494-82a81621968dbaede47fd32a72802b7b.jpg)