Зяленскі: Пуцін хворы, небяспечны і сам не спыніцца
9- 31.05.2024, 17:19
- 7,502
![Зяленскі: Пуцін хворы, небяспечны і сам не спыніцца](https://i.c97.org/ai/461353/aux-head-1648624011-20220329_zelenskiy_360.jpg)
Прэзідэнт Украіны ўважае цяпер за немагчымыя перамовы з Крамлём.
Прэзідэнт Украіны Уладзімір Зяленскі ў апублікаваным 31 траўня інтэрв'ю Guardian заявіў, што на гэты момант перамовы з краінай-агрэсаркай нерэальныя.
З яго слоў, мірнае пагадненне было б «пасткай», бо нелегітымны прэзідэнт РФ Пуцін парушыць усякую дамову.
Масква скарыстаецца кожнай паўзай у баявых дзеяннях, каб яшчэ ўзмацніць становішча на полі бою, і рана ці позна нанясе новы ўдар, мяркуе прэзідэнт.
У размове з журналістамі ён параўнаў агрэсію Крамля ва Украіне з Другой сусветнай вайной, а «метадалогію Пуціна» назваў такой жа, як у нацысцкай Германіі з яе масавымі пакараннямі і гвалтам.
Зяленскі ўпэўнены - калі РФ пераможа ва Украіне, Пуцін будзе імкнуцца і далей перакройваць межы Еўропы, нападаючы на іншыя краіны.
«Ён хворы, але не вар'ят. Ён небяспечны, гэта значна страшней. Ён не спыніцца», - кажа прэзідэнт у інтэрв'ю.