NYT: Расея пачала набіраць на фронт жанчын з турмаў

Раскрыты маштабы "турэмнай мабілізацыі".

У канцы траўня Расея вызваліла з турмаў групу жанчын для ўдзелу ў баявых дзеяннях ва Украіне. Гэта можа сведчыць аб новым этапе ў выкарыстанні Крамлём злачынцаў у вайне.

Пра гэта паведамляе The New York Times са спасылкай на экс-вязняў, якія падтрымліваюць сувязь з тымі, хто дагэтуль знаходзіцца ў турме. З іх слоў, вайсковыя вярбоўшчыкі забралі некалькіх жанчын з турмы пад Санкт-Пецярбургам. Пакуль незразумела, ці з'яўляецца іх вызваленне адзінкавым выпадкам, пілотнай праграмай ці пачаткам большай хвалі вярбоўкі.

На пачатак 2022 года ў расейскіх турмах адбывалі пакаранне блізу 30 тысяч жанчын. Вярбоўшчыкі пачалі абыход па турмах для жанчын па ўсёй еўрапейскай частцы Расеі восенню 2023 года. Аднак да гэтага часу асуджаныя жанчыны, якія паступілі на ваенную службу, заставаліся зняволенымі без афіцыйных тлумачэнняў.

«Вербоўка жанчын-асуджаных адбываецца ў момант, калі расейскі ўрад звяртаецца да ўсё больш нестандартных схем, каб прыцягнуць добраахвотнікаў з маргінэсу расейскага грамадства, спрабуючы пазбегнуць чарговага непапулярнага набору. Акрамя зняволеных, гэтыя схемы вярбоўкі накіраваныя на завінавачаных, якія абвінавачваюцца ў злачынствах і замежнікаў», - распавядаюць журналісты.

Пакуль невядома, якія абавязкі будуць выконваць жанчыны-навабранцы на фронце. Вярбоўшчыкі прапаноўвалі зняволеным кантракты на службу снайперамі, баявымі санітаркамі і франтавымі радысткамі на адзін год. Тады пагадзіліся толькі каля 40 з 400 зняволеных калоніі.

Як патлумачылі былыя вязні, пастанову сысці на фронт жанчыны прынялі ў тым ліку з-за суровых умоў у расейскіх турмах. Яны былі вымушаныя ўвесь час маўчаць і праводзілі да 12 гадзін на дзень, выконваючы абавязковую працу ў лесапільнай майстэрні турмы, нават пры адмоўнай тэмпературы зімой.