У Менску адкрылі новы канчатковы прыпынак аўтобусаў

Якія маршруты змяніліся?

З 11 чэрвеня ў сувязі з адкрыццём руху па вул. Шчамялёва змяніліся маршруты аўтобусаў №4, 100 і 111, паведаміла прадпрыемства «Сталічны транспарт і сувязь».

Што змянілася:

• Аўтобусы №4 зараз разварочваюцца ў новым кальцы каля чыгуначнай станцыі «Менск-Паўднёвы» і робяць прыпынак на Паўднёвай магістралі ў кірунку вул. Германаўскай (замест часовай пляцоўкі на Фізкультурным завулку).

• Аўтобусы №100 і 111 таксама разварочваюцца ў новым кальцы і робяць прыпынак на новым прыпыначным пункце па вул. Ніколы Тэслы за скрыжаваннем з вул. Шчамялёва (замест Паўднёвай магістралі). Раней гэтыя аўтобусы рухаліся з абаротам па квартале Тэслы - Паўднёвая магістраль - Германаўская - Брацкая - Тэслы. Цяпер маршрут выпрастаныя, што дазволіць скараціць час у дарозе.

Аўтобусныя маршруты №№ 4, 100, 111 у ліку іншых дапамагаюць жыхарам мікрараёна Менск-Мір дабрацца ў цэнтральную частку горада.