Беларускія банкі масава ўводзяць камісіі

На шэраг паслуг.

Банкі ўводзяць камісіі за зняцце гатоўкі, камісіі за папаўненне карткі з дапамогай пераводу, мяняюць камісіі ў выплатах у расейскіх рублях і юанях, паведамляе сайт banki24.by.

БНБ-Банк паведаміў, што з 11 чэрвеня ўнёс змены ў зборнік платы (узнагароджанняў). Пры гэтым змены па картках набываюць моц з 9 ліпеня. Так, банк прыпыніў наданне паслугі па змене pin-кода ў банкаматах БНБ-Банка і Белгазпрамбанка.

З 9 ліпеня за прагляд балансу картак БНБ-Банка ў банкаматах Белгазпрамбанка будзе ўтрымлівацца камісія. Сума камісіі залежыць ад тыпу банкаўскага прадукту.

Для фізічных асоб за зняцце гатоўкі з картак БНБ-Банка ў банкаматах Белгазпрамбанка будзе ўтрымлівацца камісія. Сума камісіі залежыць ад тыпу банкаўскага прадукту.

Змяняюцца камісія за зняцце гатоўкі і ліміт на яе бясплатнае зняцце. Камісія па картках складзе:

Visa Platinum - у інфраструктуры іншых банкаў (у тым ліку ў банках-нерэзідэнтах) - 3% (мін. 5 BYN) на суму, якая перавышае 2 500 BYN/1 000 USD/1 000 EUR/75 000 RUB на месяц;

Visa Infinite - у інфраструктуры іншых банкаў (у тым ліку ў банках-нерэзідэнтах) - 3% (мін. 5 BYN) на суму, якая перавышае 5 000 BYN/2 000 USD/2 000 EUR/150 000 RUB на месяц;

Pandacard - у інфраструктуры іншых банкаў РБ - 3% ад сумы (мін. 5 BYN) на суму, якая перавышае 1 000 BYN за месяц; у інфраструктуры банкаў-нерэзідэнтаў - 3% (мін. 5 BYN);

Заробкавая картка 1-2-3 - у інфраструктуры банкаў-нерэзідэнтаў - 3% (мін. 5 BYN);

Gold Travel - у інфраструктуры банкаў-нерэзідэнтаў - 3% (мін. 5 BYN) на суму, якая перавышае 2 500 BYN/2 000 USD/2 000 EUR/150 000 RUB на месяц.

Уводзіцца камісія за папаўненне карткі БНБ-Банка з дапамогай пераводу з карткі банкаў-нерэзідэнтаў — 0,5% ад сумы.

Для юрыдычных асоб змяняецца камісія за зняцце гатоўкі з выкарыстаннем карпаратыўнай карткі ў інфраструктуры іншых банкаў РБ, цяпер яна складзе: Visa Business і Mastercard Business — 2% ад сумы аперацыі (мін. 3,5 BYN); Белкарт Business - 2% ад сумы (мін. 3,5 BYN).

Таксама БНБ-Банк інфармаваў, што 12 чэрвеня з 06:00 да 07:00 будуць праводзіцца тэхработы ў працэсінгавым цэнтры. У названы перыяд магчымыя часовыя перабоі ў рабоце картак, уключаючы аплаты ў інтэрнэце, аперацыі ў банкаматах і тэрміналах, у сетцы арганізацый гандлю.

Яшчэ ў гэтым банку паведамілі, што 13 чэрвеня з 09.00 будуць праводзіцца планавыя тэхработы. Магчымыя перапынкі ў працы сэрвісу такенізацыі картак банка міжнароднай аплатнай сістэмы Visa у лічбавых партманэтах ApplePay і SamsungPay.